Forsíða / Innlegg

Ný kynslóð af sérgerðum innleggjum

Þrjár gerðir, allar lagaðar að þínum fæti eftir göngugreiningu og smíðaðar eða lagfærðar á verkstæðinu okkar í Lágmúla 4.

Höggdempandi innlegg

Úr polyurethane, sama efni og er í miðsóla margra hlaupaskóa. Hönnuð í samvinnu við þýska innleggjafyrirtækið Hema.

Mjúk og höggdempandi og passa vel í vinnuskó, hlaupaskó og gönguskó. Á verkstæðinu í Lágmúla getum við unnið með innleggin, sett undir hækkun, fleyga og pússað til í flestar gerðir af skóm. Barnainnleggin eru meira höggdempandi og mýkri en þau barnainnlegg sem hafa verið notuð í gegnum tíðina og þarf yfirleitt ekkert að ganga til.

Afgreiðslutími: 7–14 dagar
Passa í: Vinnuskó, hlaupaskó og gönguskó
Fullorðnir: 21.990 – 24.990 kr.
Aukapar: 17.592 – 19.992 kr.
Börn: 17.990 – 19.990 kr.
Aukapar barna: 14.392 – 16.992 kr.

Footbalance Medical

Hituð og mótuð að fætinum – 100% sérgerð. Elva og Lýður eru með Footbalance Medical réttindi og mega vinna með innleggin og breyta eftir þörfum.

Poron höggdempun í hæl og undir tábergi eykur mýkt og bakteríudrepandi efni er í yfirlaginu. Footbalance innleggin passa í flesta skó og alla skó með lausum innleggjum – frábær í fótboltaskó og skó sem bjóða ekki upp á mikið pláss. Oftast afgreidd samdægurs.

Afgreiðslutími: 0–3 dagar
Passa í: Flesta skó, líka fótboltaskó
Fullorðnir: 17.990 – 24.990 kr.
Aukapar: 18.692 – 21.242 kr.
Börn: 19.990 kr.
Aukapar barna: 16.992 kr.

3D prentuð innlegg

Phits innleggin hlutu fyrstu verðlaun á ISPO, stærstu íþróttasýningu í heimi.

3D prentuðu innleggin passa vel í marga íþróttaskó þar sem þau eru sterk og létt og taka lítið pláss. Við höfum prentað Phits innlegg fyrir landsliðsfólk í fótbolta og handbolta. Þrýstiplöturnar okkar styðja við 3D prentun á innleggjum.

Afgreiðslutími: 10–20 dagar
Passa í: Íþróttaskó með lítið pláss
Fullorðnir: 39.990 kr.

Afgreiðslutími sérgerðra innleggja

Dagar frá göngugreiningu þar til innleggin eru tilbúin.

Höggdempandi innlegg21.990 – 24.990 kr.

7–14 dagar

Footbalance Medical17.990 – 24.990 kr.

0–3 dagar

3D prentuð innlegg39.990 kr.

10–20 dagar

05101520 dagar

Innleggin tekin í notkun

Fjarlægðu innleggin sem eru fyrir í skónum og berðu þau saman við nýju sérgerðu innleggin. Ef sérgerðu innleggin eru örlítið lengri má strika eftir gömlu innleggjunum og klippa framan af með góðum skærum – lítið í einu.

Byrjaðu að nota innleggin eins mikið og þú þolir og auktu notkunina hægt og rólega. Ef þau valda enn óþægindum eftir u.þ.b. 2 vikur skaltu koma með þau og við lagfærum eða breytum eftir þörfum.

Mislengd ganglima

Þeir sem fá hækkun undir annan fótinn vegna mislengdar verða alltaf að vera með hækkun. Hún er innbyggð í sérgerðu innleggin. Í skó sem innleggin komast ekki í, s.s. inniskó, sandala og spariskó, eru notaðir hækkunarpúðar sem eru seldir eftir máli.

Gelpúðar til hækkunar

Viðhald

Taktu innleggin reglulega úr skónum og leyfðu þeim að anda – sérstaklega ef þú svitnar mikið eða þau blotna. Alls ekki setja þau í þvottavél eða þurrkara, leggja í bleyti eða þurrka á ofni. Óhrein innlegg má þrífa með blautum klút.

Ending og aukapör

Við mikið álag og í íþróttum mælum við með að endurnýja u.þ.b. árlega, annars á 1–2 ára fresti. Börn í vexti þurfa ný innlegg á 8–12 mánaða fresti. Gott er að eiga aukapar ef þú ert mikið á fótunum – bæði pörin endast betur.

Er kominn tími á ný innlegg?

Merktu við það sem á við innleggin þín.

Hakaðu við það sem á við innleggin þín.

Byrjaðu á göngugreiningu

Sérgerðu innleggin eru unnin út frá niðurstöðum göngugreiningarinnar.

Bóka tíma Sjá verðskrá